7 најдобри рецепти за посни салати

  03/15/2017 at 15:40 pm

Март е месец кој го означува пристигнувањето на пролетта. Во голем број земји во светот 21-ви март е денот на кој официјално пристигнува ова прекрасно годишно време. По новогодишните празници сите се чувствуваме за некое кило потешки. После сите оние масни и нутритивно "потешки" јадења, посните салати претставуваат одлично "чистење" на организмот и соодветна подготовка на телото и за летниот период.

Оваа година православниот празник Велигден се прославува на 16-ти април. Во пресрет на овој голем христијански празник поголемиот дел од православните верници го почитуваат Велигденскиот. Велигденскиот пост опфаќа 7 недели, односно 7 седмици. Трае 48 дена, од Прочка до Велигден. 

Како дел од пролетното “чистење” на организамот, а и по повод Велигденските пости ние ви ги нудиме 7-те најдобри рецепти за посни салати.  

Да започнеме по ред. Како една од најприготвуваните посни салати во овој претпролетен/пролетен период, време во кое на зелените пазари и маркетите се присутни разновидни зеленчуци и овошја, е токму зелената салата или како што повеќето ја знаат - марулата.

1. Зелена салата со туна

Зелената салата е одлична основна состојка на секоја вкусна салата, но таа исто така се користи и во скоро секој сендвич или пак при секое сервирање на интересно аранжирани ордевери.  Во светот постојат преку 200 видови зелени салати, од кои кај нас се најпознати и најзастапени: путер салата – путерка, кристалка, римска салата, ендивија, радич, рукола, матовилац и други.

За подготовка за оваа салата, ви се потребни неколку состојки, а притоа сите тие се доволно хранливи и калорични за да заменат цел оброк.

7 најдобри рецепти за посни салати

Извор: www.simplyrecipes.com

Потребни состојки:

Начин на подготовка:

Најпрво убаво измијте ги сите листови на зелената салата (марулата), и оставете ги да се исцедат. Истите е најдобро веднаш да се користат или да се чуваат најмногу два дена во ладилник.

Ротквиците, кромитчето и краставицата измијте ги и оставете ги на страна.

Марулата исецкајте ја и ставете ја во сад за салата. Младото кромитче исчистено и измиено, исецкајте го на тенки кругови и додадете го во садот со зелената салата.

Ротквичките исто така исецкајте ги на тенки кругови и додадете ги во салатата. Излупената и измиената краставица, исецкајте ја и додадете ја во салатата.

На крај додадете ја туната, и посолете по избор. Маслиновото масло можете да го додате и во поголемо количество од препорачаното. Сокот од лимот можете да го додадете по ваша желба, бидејќи тој дава освежителна нота на салатата.

Совет: Доколку оваа салата е една од вашите омилени посни салати а притоа сакате да ви биде замена на оброк, можете да додадете двопек кој исто така е одличен извор на енергија а притоа е посен.

2. Шарена салата

Иако оваа салата е малку позната и помалку приготвувана во нашите домови, таа е една од највкусните посни салати за кој е потребно многу мало кулинарско познавање.

7 најдобри рецепти за посни салати

Извор: www.posnajela.rs

Потребни состојки:

Начин на подготовка:

Во зовриена вода, ставете ги тиквичката, пиперките и морковите исецкани на коцки да се варат. Потоа додадете ги грашокот и чешнето лук.

Во друг сад со зовриена вода ставете го оризот да се вари, а притоа додадете сол и бибер по желба. Лимоновиот сок исто така исцедете го и додате го во садот во кој се вари оризот, и варете 20 минути.

Откако оризот е сварен, како и зеленчукот ставете ги во сад за салата. Додадете ги исецканите кисели краставички и промешајте.

Како додадок на оваа салата можете одозгора да додадете сецкани ореви. Сервирајте и споделете го рецептот со вашите пријатели.

3. Освежувачка рукола салата

Руколата припаѓа во истата фамилија на зеленчуци и тоа со брокулата и спанаќот, а во последниве години е актуелна и многу употребувана кај нас бидејќи е многу хранлива и лековита. Руколата е богата со калциум, магнезиум, витамин А, К, Ц и Б. Покрај витамините и минералите таа во себе содржи состојки кои делуваат антиканцерогено. Нашиот предлог рецепт за подготовка на посни салати е свежата салата со рукола и лимонов сок, која ќе ве освежи по напорниот ден.

Потребни сосотојки:

  • 2 китки рукола
  • 2 гранчиња свеж босилек
  • 50 грама ореви
  • 2 кафени лажички мед
  • Сол
  • 1 кафена лажичка лимонов сок
  • 100 мл маслиново масло

7 најдобри рецепти за посни салати

Извор: www.lifesambrosia.com

Начин на подготовка:

Руколата се мие и се сецка на ситни парчиња, па потоа се додава во сад за салата. Босилекот се сецка и се додава во садот со рукола.

Во сад на страна измешајте ги медот, солта, маслиновото масло и сокот од лимон.

Прелијте ја руколата во садот за салата со подготвениот сос, измешајте и послужете.

4. Октопод салата со зеленчук

7 најдобри рецепти за посни салати

Извор: www.posnajela.rs

Октоподот овие денови можете да го најдете во сите подобро снабдени маркети, а подготовката на оваа салата е само половина час. Останатите сосојки кои ви се потребни за оваа салата исто така се достапни во сите маркети и зелени пазари. Состојките кои ви се потребни за оваа салата, се следните:

  • 1 октопод од ½ килограм
  • 1 црвена пиперка
  • 1 зелена пиперка
  • 2 моркови
  • 1 целер
  • 1 кафена лажичка Di Modena Balsamico оцет
  • 80 мл маслиново масло
  • 100 мл вински оцет
  • Сол.

Начин на подготовка:

На оган ставете поголема количина на вода во сад за готвење (експрес лонец), каде што ќе додадете сол и вински оцет.

Во водата прво ставете ги пипците од октоподот за да се сварат, а потоа додадете го целиот октопод.

Затворете го експрес лонецот и гответе 10 минути од моментот кога експес лонецот ќе го даде знакот дека водата во него врие.

Отворете го експрес лонецот сè со цел октоподот да може се излади.

Во текот на варењето на октоподот, исчистете го зеленчукот и исецкајте го на ситни коцки. Листовите целер не ги сецкајте, бидејќи тие ќе бидат искористени за декорација.

Откако октоподот ќе биде изладен, исцедете го и исецкајте го на парчиња и ставете го во сад за салата. Додадете го исецканиот зеленчук, посолете и измешајте.

Во сад на оган измешајте ги маслото и оцетот и прелијте ја салатата.

Листовите целер додадете ги најодозгора на салатата и послужете.

5. Освежувачка посна салата

Потребни состојки:

  • 250 гр варена пченица
  • 750 мл вода
  • 250 гр рендан целер
  • ½ кг кисели јаболка
  • Половина шолја исецкано свежо нане
  • 1 помала главица ситно сецкан кромид

Дресинг (прелив):

  • 2 лажици маслиново масло
  • 3 лажици јаболков оцет
  • 2 лажици сок од јаболко
  • 1 лажица мед
  • 2 кафени лажички рендан свеж ѓумбир.

7 најдобри рецепти за посни салати

Извор: www.posnajela.rs

Начин на подготовка:

Ставете го овошјето и додадете ја водата, загрејте до вриење, а потоа намалете го оганот и гответе 45 до 55 минути, додека да омекне овошјето.

Откако овошјето е сварено, исцедете ја водата и додадете ја сварената пченица, ренданиот целер и јаболка, нането и кромидот, и измешајте.

По мал сад на страна, измешајте ги маслото, оцетот, сокот од јаболка, медот и ѓумбирот и прелијте преку салатата.

Совет: Пред да ја послужите салатата оставете ја да отстои во ладилник 4 часа.

6. Италијанска Панзанела салата

Оваа салата е многу популарна во Италија во текот на пролетта и летото. Главната сосотојка на оваа салата се доматите и свежо печениот леб. Како додаток на оваа салата може да додадете кромид, болисек или маслиново масло.

Потребни состојки:

  • 1 зелена салата
  • 1 краставица
  • 1 мала главица црвен кромид
  • Шери домати (доколку не можете да ги најдете може да употребите и обичен домат)
  • Маслинки
  • Неколку парчиња леб
  • Свежо цеден сок од лимон
  • Маслиново масло
  • Сол и црн пипер
  • Зачини по вкус

7 најдобри рецепти за посни салати

Извор: www.cooking.nytimes.com

Начин на подготовка:

Лебот исецкајте го на коцки, прелијте го со маслиново масло и ставете го во тава обложена со хартија за печење. Печете во загреана рерна на 150 степени 20 минути.

Измијте ја зелената салата и исецкајте ја.

Краставицата излупете ја и пресечете ја на половина. Со помош на мала лажичка извадете ја средината, а потоа исечете полукругови.

Шери доматите измијте ги и пресечете ги на половина. Доколку имате само обични домати, тогаш нив ситно исецкајте ги на мали коцкички.

Кромидот исечете го на кругови.

Краставицата, доматите, зелената салата како и кромидот ставете ги во сад за салата. Измешајте ја и прелијте со маслиново масло, свежо цеден сок од лимон. Посолете и наросете црн пипер.

На крај додајте ги коцките печен леб и маслинките. Салатата по желба наросете ја со свежи зачини како босилек, оригано или магданос, и послужете.

7. Салата од јаболка, мед и цимет

Иако е посна, оваа салата е 100% природна здрава и полна со витамини а притоа е препорачлива за сите возрасти.

7 најдобри рецепти за посни салати

Извор: www.sezahrana.mk

Потребни состојки:

Начин на подготовка:

Измијте ги јаболката и пресечете ги на половина. Отстранете ги семките и дршките од нив.

Изрендајте ги исчистените јаболка на крупната страна на рендето и додадете го медот и циметот.

Измешајте ги состојките и сервирајте во мали садови, на кои како декорација ќе додадете цимет.

Се надеваме дека ви се допаднаа нашите предлог рецепти за посни салати. Доколку имате на ум некоја или некои посни салати кои ги приготвувате во вашиот дом а ние сме изумиле да ги споменеме, слободно напишете ни ги во коментар.

 

 

 

 

Од Рептил