7 смути кои мора да ги пробате

  04/27/2017 at 07:03 am

Смути или цеден сок? Веројатно се прашувате што е подобро или дали воопшто постои разлика меѓу нив? Најчесто подготовката на овие пијалоци е наутро. Бидејќи во овој период од денот секогаш сме во брзање и недостаток на време, подготовката на смути е одличното решение, и одзема помалку време од подготовката на цеден сок.

При цедењето на сок се одвојува природната течност од растителните влакна, и благодарение на ова одвојување витамините и хранливите материи брзо се апсорбираат во организмот. Со подготовка на смути влакната од овошјето или зелечукот остануваат, бидејќи смути блендерот ги ситни и меша состојките. Влакната придонесуваат за исфрлање на токсините од организмот, а притоа тие го одржуваат здравјето на дигестивниот тракт.  

7 смути кои мора да ги пробате

Смутито претставува здрав и освежителен напиток кој е составен од овошје и зеленчук но тој дозволува и додавање на други додатоци на храна, кои во комбинација нутритивно заменуваат еден цел оброк.

Името смути потекнува од англискиот збор “smoothie”, кое во превод би значело мазен или пак кремаст. Смути е пијалок кој е одличен за секојдневна употреба во секоја сезона од годината.

Првото смути било направено во САД во 60-тите години, и оттаму ја стекнало својата популарност. Почетните видови на смути во себе содржеле само овошје, мраз и овошен сок. Во 80-те години начинот на подготовка на смутито се променил, а промената била инспирирана со популаризацијата на фитнесот и здравиот начин на живот, каде што почнуваат да се додаваат намирници кој овозможуваат комплетен оброк во чаша.

На почетокот подготовката на смути била само во специјализирани барови, но од 2000-та година со напредокот на технологијата и електричните апарати кои добиваат достапна цена секој во својот дом може да си овозможи смути блендер за подготовка на свој омилен смути напиток.

Иако изгледа едноставно, при подготовката на смути треба да се внимава кои намирници се користат за подготовка, сè со цел апсорбирање на максимум хранливи состојки од подготвеното смути.

Покрај вниманието кое треба да го посветите при изборот на намирници, една од најчестите грешки кои се прават при подготовка на смутито е преполнување на чашата од блендерот. Најчесто преполнувањето настанува од потребата да ставиме многу состојки во една чаша за побогато смути, но внимавајте никогаш да не ја поминете MAX линијата на блендерот. Решение за овој проблем е подготовката на смути да ја повторите два пати наместо да направите неред во кујната, притоа ризикувајќи го и електричниот апарат од расипување.

По подготовка на смутито не го оставајте тоа долго да стои, бидејќи со стоење на смутито тоа оксидира и ги губи хранливите состојки во себе. Доколку подготвувате смути за појадок кое треба да го транспортирате до вашето работно место, не заборавајте да му ставите капак како и  да го чувате во фрижидер, се до негова конзумација сè со цел задржување на хранливите состојки.  

Колку што не е препорачливо смутито да стои долго време подготвено, исто толку неправилно е и негово пиење во еден здив. Со ваков начин на конзумација ќе се чувствувате подуени и можно е да имате проблеми со киселини во желудникот. Така, најпрепорачливо е умерена брзина на конзумација – ниту одеднаш а ниту пак да го заборавите цел ден при што хранливите состојки целосно ќе бидат изгубени.

Во летниот период сите бараме начин како да си ја изгасиме жедта со ладен пијалок. При подготовката на смути во лето додајте мраз во него, како би постигнале ефект на разладување, а притоа конзумирајќи ги потребните дневни витамини и минерали.  

Во моментов постојат безброј рецепти за смути, од едноставни - подготвени од неколку состојки, до навистина комплексни кои го задоволуваат потребното количество на протеини и витамини кај спортистите и фитнес активистите. За таа цел ние одлучивме да ви понудиме 7 смути рецепти кои го задоволуваат сечиј вкус и потреба.

Смути со цвекло за подобро здравје

Цвеклото е еден од најздравите зеленчуци, кој може да се конзумира секој ден, а посебно се препорачува за подобрување на крвната слика кај луѓе кој се анемични (недостаток на железо). Анемијата како заболување е тешка за лекување, а со примена на цвеклото во секојдневно смути нема ни да забележите како таа за брзо време ќе биде излекувана.

Овој зеленчук е богат извор на многу витамини и минерали како:

  • Магнезиум
  • Калиум
  • Калциум
  • Натриум
  • Железо
  • Цинк
  • Сулфур
  • Фолна киселина
  • Витамин Ц, Б1, Б2, Б12, Б6, витамин А и витамин Е.

Цвеклото претставува вистинска витамиска бомба, која ги задоволува дневните потреби од витамини и минерали. Препорака за негово дневно користење е кај деца и трудници, за подобрување на крвната слика, а исто така и за поздрави заби и поцврсти коски. Иста така, цвеклото се препорачува за подобрување на циркулацијата како и за намалување на крвниот притисок.

7 смути кои мора да ги пробате

Потребни состојки за подготовка на смути со цвекло:

Начин на подготовка:

Цвеклото измијте го и излупете го и ставете го во блендер или пак доколку имате специјализиран блендер за смути, подгответе го во него. Излупете го лимонот и ставете го во блендерот. Измиен и излупен морковот исто така додадете го во блендерот. Додајте ја и бананата, која нема да го наруши вкусот на цвеклото, туку ќе му додаде слаткост на смутито. На крај додадете го јаболкото.

Доколку сакате можете да додадете нане, ѓумбир, куркума или зачин по ваша желба.

Откако сите состојки се додадени во блендерот, вклучете го и за неколку минути вашето смути со прекрасна црвена боја и големо количество витамини ќе биде готово.

Чиа смути за здрава кожа

Чиа семето е познато со векови, уште од времето на древните култури на Маите и Инките, каде што се вели дека жените конзмирале само една лажица чиа семе која им давала енергија за целиот ден.

Во денешницата тоа е реоткриено, односно неговата моќ е повторна актуелна правејќи го составен елемент од многу напитоци и јадења. Чиа семето во себе содржи високо количество на омега 3 масни киселини, протеини, антиоксиданси, витамини и минерали кој имаат корисно влијание на целиот организам со главен акцент на подобрување на кожата. Ова семе содржи повеќе омега 3 масни киселини од рибиното масло, како и 30% повеќе антиоксиданси од боровинките.  

Конкретно за нега на кожата, чиа семето ја стабилизира масната и воспалена кожа и помага во борбата против инфекциите. За луѓето кој имаат проблем со сува и испукана кожа, антиоксидансите во чиа семето овозможуваат побрзо обновување на клетките на кожата и ја одржуваат хидратацијата подобрувајќи го квалитетот на епидермисот.

7 смути кои мора да ги пробате

Извор: www.huffingtonpost.ca

Потребни состојки за подготовка на чиа смути се:

Начин на подготовка:

Излупете ја бананата и поделете ја на две половини и ставете ја во блендер. Додадете 2 лажички чиа семе, како и 3 до 4 измиени и исчистени јагоди. На крај додадете го млекото или пак јогуртот и вклучете го блендерот.

За помалку од 2 минути ќе добиете прекрасно чиа смути, а со подолготрајна конзумација квалитетот на вашата кожа видливо ќе се подобри. 

Банана смути

Бананата е вклучена во скоро секое смути, бидејќи има во себе хранливи состојки а притоа во една банана се содржани 89 калории. Составот на бананата е следен:

  • 74% вода
  • 1% протеин
  • 0,5% масти
  • 13,5 шеќери
  • 23% јаглехидрати и
  • 3,4% растителни влакна.

Бананите се богати со калиум, магнезиум, калциум, флуор, фосфор, железо, цинк и бакар. Покрај минералите тие содржат и витамини како: бета-каротен, Б комплекс како и витамин Ц и Е. Прекрасната кремаста текстура смутито ја добива благодарение на присуството на бананата во него. 

7 смути кои мора да ги пробате

Извор: www.huffingtonpost.com

Потребни состојки за подготовка на банана смути се:

  • 2 банани (кои треба да бидат зрели)
  • 250 мл млеко или пак јогурт
  • 4-5 коцки мраз

Начинот на подготовка е многу едноставен со тоа што сите состојки одеднаш ставете ги во блендерот и мешајте се додека не добиете воедначена смеса. Сипете го смутито во чаши и уживајте во едноставниот и прекрасен вкус на банана.  

* Дополнителен совет за подготовка на ова смути е предходно да ја излупите бананата и да ја ставите во фрижидер, со што ќе добиете дополнителна свежина на смутито.

Смути за детоксикација

Ова смути е совршена комбинација на витамини, минерали и антиоксиданти кои ќе ви помогнат да се ослободите од отровите и штетните материи, прочистувајќи го својот организам.

Потребните состојки за ова смути се:

  • Ѓумбир, кој ќе го излупите и изрендате
  • Половина јаболко
  • Половина крушка
  • Половина банана
  • ½ шолја сок од морков (или пак 3-4 моркови)
  • ½ шолја цок од цвекло (или пак 1 цвекло)

Начинот на подготовка е ист како и кај сите смути, со додавање на сите состојки во блендерот и блендирање до постигнување на вооедначен напиток.

Морковот е богат со влакна кои лесно се разложуваат и помагаат во намалување на холестеролот во крвта. Исто така морковите се богати со бета-каротен кој се одлични за видот.

Обидете се да го подготвувате овој тип на смути најмалку еднаш неделно, со што ќе бидете сигурни дека вашето тело е ослободено од штетните материи.

Појадок во чаша

Доколку сте во брзање смутито наречено Појадок во чаша е измислено за вас, каде што многу хранливи состојки се содржани во една чаша.

Овесот содржи влакна кои ефикасно го намалуваат нивото на холестерол, и исто така го регулираат шеќерот во крвта спречувајќи ја појавата на дијабетес тип 2.

Јагодите се богати со феноли кои го штитат срцето, се борат против ракот и воспаленијата. Нивниот вкус дозволува комбинација со различен вид на овошје и зеленук така што безмалку тие можат да бидат составен елемент од секое смути.   

Потребни состојки за појадокот во чаша ви се:

  • 1 голема лажица овес
  • 1 шолја бадеми
  • 1 шолја јагоди
  • Банана
  • 1 шолја јогурт
  • 1 шолја млеко

Погледнете го начинот на подготовка на следното видео и уживајте во вкусот на ова неверојатно смути.

Смути на кое децата не можат да му одолеат

Исхраната на децата мора да изобилува со овошје и зеленчук. На сите ни е познато дека децата не се големи фанови на сите типови овошје и зеленчук, а уште помалку сакат да ги конзумираат сирови. За таа намена смутито претставува одлично решение. Омилениот дел од смутито кај децата е кремавата структура со тоа што многу потсетува на сладолед – омиленото слатко задоволство на сите деца.

Многу од децата не се големи обожаватели на спанаќот, така што смутито ви претставува одлична можност да го вметнете и маскирате.

Смутито е одличен избор за појадок, токму затоа ние решивме да ви понудиме рецепт на кој сите деца не можат да му одолеат.

Потребни состојки за ова детско смути се:

  • 1 шолја исецкани листови спанаќ
  • Банана
  • Половина јаболко
  • Мала шолја вишни (може и замрзнати)
  • 1 шолја млеко или јогурт.

7 смути кои мора да ги пробате

Извор: www.sugaredpecan.wordpress.com

Начинот на подготовка е следен:

Излупете ја и исечете ја бананата и ставете ја во блендерот. Додадете ги вишните заедно со исецканиот спанаќ и јаболко. Додадете го млекото или јогуртот и блендајте додека да добиете кремаста структура.

Декорирајте интересно, со што вашите деца покрај тоа што ќе уживаат во вкусот ќе бидат привлечени и од прекрасната декорација на чашата со смути.  

Кофеинско смути

Внесот на кофеин на кој сме навикнати сите секое утро, направете го на малку поинаков начин.

Потребни состојки:

  • 1 голема лажица цимет
  • Банана
  • 1шолја замрзнат јогурт од ванила или пак сладолед од ванила
  • 1 шолја од вашето омилено кафе

Сето ова ставете го во блендер и уживајте во поинаквиот и поздрав начин на конзумација на утринското кафе.

7 смути кои мора да ги пробате

Извор: www.muffintinmania.com

Се надеваме ве инспириравме уште веднаш да подготвите некоја од нашите предлог рецепти за смути. Уживајте во неговата едноставна подготовка и прекрасен вкус кој е надополнет со хранливи состојки, витамини и минерали.  

Од Рептил