5 свежи салати за летните денови

  07/27/2018 at 09:34 am

Неколку години наназад салатите беа гледани само како диетална храна или можеби како досадна храна која ќе ви држи сити сѐ до главното јадење. Во денешно време проширени се хоризонтите на кулинарските вештини, така што салатата станува популарна и како главен оброк, која нема ограничувања во однос на состојките и вкусовите.

Летото не е време само за прошетки туку и за едноставни оброци со многу свежи состојки. За овие топли денови идеални се салати како оброк бидејќи се полни со витамини и минерали и можат да бидат совршен додадок или замена за ручек или вечера.

Месото и морската храна се идеални состојки за секоја салата, но и марулата, зелката, блитвата, спанаќот, оревите, семките, гравот или сирењето. За да ја направите малку побогата салата, можете да додадете ориз или тестенини. Салатите со богат состав се доволно лесно да се вклопат во менито, така што може и да го заменат главниот оброк. Но, тие се вкусни само доколку  зеленчукот е сосема свеж. Имајте во предвид, при купување -  зелена салата да бидат секогаш со свеж изглед. Најдобро е да ги подготвите веднаш по купувањето - не само што ќе имаат најдобар вкус, но исто така ќе имаат и повеќе хранливи материи. Ако не можете да ги користите веднаш, ставете ги во фрижидерот и на тој начин ќе траат три до четири дена.

Зеленчукот измијте го брзо и не го оставајте да впие вода, бидејќи може да се изгуби дел од витамините. Салати може да бидат подготвени неколку часа однапред, но само доколку преливот се стави пред сервирањето.

Следуваат топ 5 пролетни салати кои изобилуваат со витамини и минерали неопходни за зајакнување на имунитетот.

 

Туна салата со ориз


 

 Вашиот класичен ручек заменете го со оваа богата салата.

Состојките кои ви се потребни се следни:

  • 1 конзерва туна
  • 200 грама ориз
  • 5 лажици маслиново масло
  • 2 лажици оцет
  • Лимонов сок
  • 200 грама зелени маслинки
  • 10 шери домати
  • Мала конзерва пченка
  • Сол
  • Бибер

Начинот на подготовка е следен:

  1. Оризот сварете го во посолена и зовриена вода. Потоа исцедете го и исплакнете го со ладна вода.
  2. Изладениот ориз ставете го во поголем сад и додадете ја пченката и туната.
  3. Во помал сад измешајте ги добро маслиновото масло со оцет, лимонов сок, сол, бибер и додадете ги во оризот и добро промешајте.
  4. Украсете ја салатата со шери домати и маслинки.
  5. На здравје!

 

Летна компир салата

Доколку сте љубител на компир, веруваме дека оваа  ќе биде вашата новата омилена салата.

Состојките кои ви се потребни се следни:

  • 1кг млад компир
  • 1 главица кромид
  • 3 – 4 роквици
  • 5 лажици маслиново масло
  • 3 лажици вински оцет
  • 1 лажица сенф
  • Сланина
  • Сол
  • Бибер

Начинот на подготовка е следен:

  1. Сварете го компирот во зовриена и посолена вода и оставете го да се олади.
  2. Исечкајте ја сланината и испржете ја во масло се додека не стане крцкава.
  3. Исчистете го кромидот и исечкајте го на кругови.
  4. Измијајте ги роквиците и исечкајте ги на кругови
  5. Во сад додадете ги изладените варени компири исечкани на кругови,сланината и роквиците. Сите состојки измешајте ги во чинијата.
  6. За дресинг, измешајте го маслото и оцетот, додадете го сенфот, зачинете со сол и црн бибер.
  7. Додадете го дресингот во садот со компирите и добро промешајте.
  8. Покриената салата оставете ја еден час во фрижидер да се олади.

 

Салата со киноа

Голем број нутриционисти препорачуваат честа конзумација на киноа бидејќи е богата со витамин Б, витамин Ц и железо. Подгответе ја оваа здрава и лесна салата.

Состојките кои ви се потребни се следни:

  • 1 чаша киноа
  • 1 чаша вода
  • 8 шери домати
  • 1 краставица
  • ½ црвен кромид
  • Неколку листови спанаќ
  • 1 авокадо
  • Кора од лимон
  • Фета сирење
  • Оцет
  • Малсиново масло
  • Лук во прав
  • Сол и бибер

Начинот на подготовка е следен:

  1. Измијте ја убаво киноата, и ставете ја во сад со вода да се вари се додека ја впие водата. Барете околку 10 мин, тргнете ја настрана и оставете ја да се излади.
  2. Исецкајте го кромидот, краставицата и авокадото, шети доматите и спанаќот.
  3. Изрендајте ја кората од лимон, сокот исцедете го и измешајте го со маслиновото масло, солта, биберот и лукот во прав.
  4. Во сад измешајте го зеленчукот, додадете ја изладената киноа, фета сирење и на крај прелиете со дресингот.
  5. Послужете се и уживајте, наздравје!

 

Свежа мексиканска салата

Ова е уште една добро позната мексиканска салата, богата со вкусови и бои која ќе ви го освои сите ваши сетила.

Состојките кои ви се потребни се следни:

  • 1 конзерва црвен грав
  • 1 конзерва пченка
  • 2 главици кромид
  • Домат
  • Краставица
  • Сок од лимон
  • 1 лажица мед
  • 1 лута пиперка
  • 1 црвена блага пиперка
  • Маслиново масло
  • Сол и бибер
  • 1 китка магдонос

Начинот на подготовка е следен:

  1. Доматот, краставицата, магдоносот, благата и лутата пиперка исечкајте ги на коцки.
  2. Во длабок сад за салата додадете го гравот и пченката и исечканиот зеленчук, па добро промешајте.
  3. На крај додадете ги зачините, сол бибер, лимонов сок и мед и измешајте добро.
  4. Најдобро е да се конзумира веднаш откако ќе се приготви.
  5. Сервирајте и уживајте.

Пробајте ги нашите предлог рецепти за салата кои изобилуваат со витамини и менерали, а притоа содржи мал број на калории. Уживајте во подготовката на вкусна храна која нема да влијае на зголемување на вашите килограми, а воедно нема ниту да ве ограничи во консумација на еднолична храна.

Од