Почетокот на есента ја означува сезоната на зимниците. Пред подготовка секогаш се прави план каков вид на зимница ќе се готви и кои се потребните состојки. Иако можеби сте навикнати на традиционален вкус на зимница или пак на оној што рутински го приготвувате секоја година, убаво е да направите испробате нови вкусови. За оваа намена, ви нудиме неколку домашни зимници, а за повеќе избор, може да се инспирирате од маркетите на Рептил или прилогот со рецепти.
Доматен сос
Од сите сосови за тестенини, најпопуларен е оној од домати. Всушност, претставува вкусен додаток во повеќе видови на храна вклучувајќи ги и пиците и солениот помфрит. По вкусот наликува на кечап, а е многу повкусен дури и од фабрички приготвениот. Исто така, може да ви послужи и како макало за чипс.
Потребните состојки се следниве:
- 5 кг домати
- 1 лажица оригано
- Црн бибер (мелен)
- 2-3 лажици морска сол
- 1 лажица шеќер
- 5-10 листови босилек
Начин на подготовка:
Доматите измијте ги и од едната страна исечете ги накрсно. Потоа ставете ги прво во врела вода околу 3 минути, паизвадете ги и ставете ги во ладна вода и на крај излупете ги. Откако ќе ги излупите, досечете ги на 4 парчиња и измелете ги со машина за на крај да добиете пасирани домати без семки и лушпи.
Смесата префрлете ја во длабок сад за готвење и оставете ја да се вари околу 1 час или онолку колку што е доволно за да испари и да се згусне. Во 30-те минути од варењето посолете ја смесата, а кон самиот крај зачинете со оригано. На крајот од варењето, додајте го исечканиот босилек.
Сладок путер од јаболка
Иако можеби поретко се подготвува оваа зимница, добро е барем еднаш да се проба. Оваа домашна зимница е многу вкусна, а нејзиниот вкус по малку потсеќа на слаткото од кајсии. Имено, слаткиот путер е одличен избор за доручек и е совршен во комбинација со чај.
Потребните состојки се следниве:
- 2 кг јаболка
- 1 чаша јаболков оцет
- 2 чаши вода
- Сол
- ½ лажица каранфилче
- ½ лажица пигмент по вкус
- 4 чаши шеќер
- Кора од лимон
- Сок од лимон
Начин на подготовка:
Најпрво добро измијте ги јаболката, исечете ги и излупете ги доколку се прскани. Парчињата јаболка ставете ги во сад за готвење заедно со јаболковиот оцет и варете ги околу 20-на минути додека да омекнат. Тргнете ги јаболката од огнот и испасирајте ги со вилушка или блендер за да добиете форма на пире. Во таа смеса додајте ги зачините и ставете го да се вари на тивко од 1 до 2 часа во непокриен сад со постојано мешање. Ставете ги во тегли според процесот за вакумирање.
Пиперки во тегла
Црвените пиперки се секогаш вкусни за зимница. Нивниот сладок вкус ја неутрализија секоја додатна состојка, а притоа тие стануваат повкусни. Така на пример, додатните зачини на оваа зимница ги прават пиперките со малку лутенкав вкус.
Потребните состојки се следниве:
- 1 кг црвени пиперки
- 2 лути пиперчиња
- 8 чешниња лук
- Сол
- 250 мл вински оцет
- 25 гр шеќер
Начин на подготовка:
Најпрво измијте ги пиперките, исчистете ги од семки па исечете ги на тенки ленти. Исто така и пиперчињата најпрво измијте ги, исчистете ги од семки, па исечете ги на тенки ленти. Лукот измијте ги и преполовете го. Пиперките ставете ги во посолена вода околу 4 минути, па исцедете ги. Потоа измешајте ги заедно со пиперчињата. Во 250 мл вода ставете ги пиперките и додајте ги зачините и оставете ја смесата да одстои 8 часа. На крај, зимницата распределете ја во тегли, а течноста може да ја зготвите уште некоја минута и со неа да ги прелиете пиперките. Изладете ги и затворете ги теглите.
Џем од бело грозје
Џемот од бело грозје е секогаш добар избор за слатка зимница затоа што е превкусен. Повкусен е дури и од традиционалниот џем од сливи. Кога го приготвувате џемот, внимавајте со количината на вода, доколку ставите повеќе ќе добиете поводеста смеса. А можеби и нема да погрешите, туку ќе добиете слатко од бело грозје за зимница.
Потребните состојки се следниве:
- 1 кг бело грозје
- 1 кг шеќер
- 1 литар вода
- 1 кесичка ванилин шеќер
- 2 лимони
Начин на подготовка:
Во голем сад за готвење ставете ја водата да зоврие. Грозјето измијте го, искинете ги зрната и ставете го во зовриената вода на посилен оган и оставете ги да варат околу 15-на минути. Почнете со пасирање на смесата во моментот кога лушпата ќе напукне, а потоа додајте го шеќерот заедно со ванилиниот шеќер и свежо исцеден сок од двата лимони. Продолжете со варење уште 1 час со постојано мешање. Кога џемот ќе се згусне, турете го во топли, вакумирани тегли и добро затворете го.
Трикот за долготрајност на зимниците
Пред да ги ставите зимниците во тегли, потребно е да се вакумираат за да не се расипат и да бидат долготрајни. Теглите треба претходно да ги измиете за да бидат чисти. За да ги вакумирате прво стоплете ги во рерна околу 20-на минути на 100 степени, а веднаш потоа започнете со ставање на зимницата во теглите.
Исто така, може да ги затворите со капак и да ги превртите (капакот да биде од долната страна). На крај, оставете да се изладат преку ноќ, а следниот ден проверете дали се добро вакумирани.
Заклучок
Добрата страна на зимниците е што може да ги приготвувате според вкусот на целото семејство за да може сите да уживаат истовремено. Никогаш не е на одмет да пробувате и откривате нов вкус на домашна зимница.
