Домашни лекови против грип и настинка

  11/24/2017 at 12:24 pm

Луѓето кои имаат опаднат имунитет или пак недоволен внес на нутритиенти се оние кој не можат да и се спротивстават на настинката или грипот. Како дополнителни фактори кои влијаат на намалување на отпорноста кон грипот и настинката се стресот, недостигот на сон како и експозиција на токсини и загаден воздух. За среќа постојат голем број на домашни лекови кои претставуват противници на грипот и настинката.

1. Лимон, ѓумбир и мед

Класична комбинација која е од голема помош при настинка и грип. Долго време се познати хомеопатските особини на медот, ѓумбирот и лимонот, така што нивната комбинација е одличен противник на грипот и настинката. Овој еликсир ослободува од многу симптоми на грипот и настинката, бидејќи:

  • Медот има антибактериски, антиоксиданти, антивоспалителни и антивирални својства
  • Ѓумбирот исто така има антивирални, антивоспалителни својства како и улога во спречување на вирусите преку дишниот пат
  • Лимонот претставува антисептик, а воедно тој е одличен извор на калциум, магнезиум, витамин Ц како и биофлавоноиди.

Така што со комбинација на овие состојки вие добивате лек кој делува на голем дел од симптомите на грипот и настинката, како ослободување на главоболката, болката како и ослободување на дишните патишта со што можете да дишете полесно.

Состојките кои ви се потребни за подготовка на овој домашен лек се:

  • Свеж лимон
  • Свеж ѓумбир
  • Мед

Започнете со сечење на лимонот на четвртини кои ќе ги ставите во тегла. Свежиот ѓумбир изрендајте го и додадете го во теглата со лимон. Количината на ѓумбирот зависи од вас, колку повеќе ставите толку подобро е за вас. Теглата надополнете ја со мед.

Домашни лекови против грип и настинка

Овој лек се консумира така што 1 лажичка се додава во топла вода,се меша и потоа се пие напитокот. Вака подготвениот лек можете да го чувате во фрижидер и да го употребувате 3 месеци од денот кога сте го подготвите.

*Важна напомена: Медод не е наменет за консумација кај деца под 12 месечна возраст.  

2. Смути со мандарина

Одличен кремав напиток против настинка и грип. Состојките кои ви се потребни за овој напиток се:

Домашни лекови против грип и настинка

Извор: www.ohsheglows.com

Пред да го подготвите ова смути излупете ги бананата, авокадото и мандарините и замрзнете ги. Откако тие се замрзнати, ставате ги сите состојки во блендер и блендирајте додека не се воедначи смесата. Доколку сакате поретко смути, додадете повеќе млеко. Со оваа количина на состојки добивате 2 шолји смути со мандарина кое ќе ве заштити од настинките и грипот.

3. Пилешка супа

Долго познатиот лек против настинка и грип, за кој постојат голем број на рецепти. За 4 порции потребни ви се следните состојки:

Домашни лекови против грип и настинка

Извор: www.az858194.vo.msecnd.net

Начинот на подготовка е следен:

Во голем сад на среден оган загрејте го маслото. Додадете го кромидот и оставете го да се пропржи 3 до 4 минути, додека да зарумени. Додадете го пилешкото и гответе 10 минути додека да потемни. Додадете ја водата, ловоровиот лист, солта и црниот пипер и доведете ја смесата до точка на вриење. Откако ќе зоврие, намалете го оганот на средна температура, за да може супата да се вари на тивок оган и покријте го садот и варете 30 минути.

Потоа префрлете го пилешкото во сад на страна да се лади, а течноста прецедете ја во друг сад. Прецедената течност вратете ја во садот за готвење и додадете го зеленчукот. Оставете да се вари околу 15 минути. Додадете го фидето и варете околу 15 минути, додека тоа да биде сварено. Додадете го пилешкото кое ќе го расцепкате на парчиња. Варете околу 10 минути и сервирајте, така што во чинијата при сервирање ќе наросите малку свеж магдонос.   

4. Чај од ѓумбир

Едноставна подготовка за прекрасен напиток. Се што треба да направите е да го излупите ѓумбирот, да го исецкате на листови и да го додадете во жешка вода.

Започнете со лупење на ѓумбирот и негово сецкање на тенки листови. Точно одредена количина на ѓумбир за овој рецепт нема, така што ставете по сопствен вкус. Доколку сакате послаб чај од ѓумбир додадете за 1 шолја 4 до 5 листови ѓумбир.

Домашни лекови против грип и настинка

Извор: www.s.doctoroz.com

Во сад на оган ставете ги заедно ѓумбирот и водата да зовријат, и потоа намалете ја температурата и оставете заедно да се варат 30 минути на тивок оган.

Додадете мед по ваш вкус и уживајте во овој напиток кој можете да го консумирате топол или ладен.

5. Цитрусен медов сируп

Одличен напиток против настинка и грип кој можете да го додадете во секој тип на ладен или топол пијалок.  

Состојките кои ви се потребни за овој рецепт се:

Главните насоки за подготовка на овој рецепт се:

Одберете кое цитрусно овошје сакате да го користите, и исечете го на кругови. Круговите пресечете ги на половина или пак на четвртини. Во мала тегличка додадете половина од овошјето, свеж рузмарин или нане и зачин по ваша желба и додадете го медот. Измешајте и повторете ја постапката. Полнењето на теглата завршете го мед и затворете ја теглата. Чувајте ја во фрижидер. По 4 часа измешајте и сирупот е спремен за консумација.

Домашни лекови против грип и настинка

Извор: www.theyummylife.com

Како комбинација на цитрусно овошје и зачини се препорачуваат:

  1. Лимон + ѓумбир + мед

За подготовка на овој рецепт потребни ви се:

  • 1-2 лимони
  • 1 лажичка мелен ѓумбир
  • ½ шолја мед
  1. Портокал + каранфилче + мед

За подготовка потребни ви се:

  • ½ портокал
  • 16 каранфилчиња
  • ½ шолја мед

Дополнително можете да додадете ½ лажичка цимет

  1. Мандарина + кардамон + мед

За подготовка на оваа комбинација потребни ви се:

  • 1-2 мандарини
  • 1 лажичка мелен кардамон
  • ½ шолја мед
  1. Лимета + нане + мед

Потребни ви се:

  • 1-2 лимети
  • 6-8 ливчиња нане
  • ½ шолја мед
  1. Лимон + рузмарин + мед

Потребните состојки се:

  • 1-2 лимони
  • 3 гранчиња свеж рузмарин
  • ½ шолја мед

Употребата на сите овие сирупи е многу едноставна, односно се користи како дополнителен засладувач на напитоци, или пак можат да се консумираат директно во ситуации кога имате надразнето грло.

Вака подготвените сирупи траат до 3 месеци откако се направени, со соодветно нивно чување во фрижидер.

6. Мед и цимет

Овој природен напиток помага во јакнење на имунитетот, како и кај хронична кашлица, замор и ги чисти синусите.

Домашни лекови против грип и настинка

Извор: www.cdn1.cdn.stepin2mygreenworld.com

Доколку ја „закачивте“ сезонската настинка, искористете две природни зимски состојки и победете ја настинката за само два дена.

Благотворните дејствија на медот на сите им се добро познати, додека циметот се смета за еден од најздравите зачини. Кога станува збор за настинка, комбинацијата на овие две состојки е доста делотворна.

Во еден децилитар млака вода помешајте една лажичка мед и две лажички цимет во прав. Мешајте додека медот не се стопи.Напитокот пијте го двапати дневно, најдобро три дена по ред. Доколку сакате, можете да измешате само мед и цимет, без вода.

Подогответе некој од овие домашни лекови и имајте го при рака доколку почуствувате некој од симптомите на настинка или грип.   

Од Рептил Маркети