Идеи за новогодишно украсување на домот

  12/01/2017 at 10:18 am

Со пристигнувањето на месецот декември пристигнува и еуфоријата за новогодишните и божиќните празници. Сите светски метрополи се украсуваат со најразлични новогодишни и божиќни украси, а воедно и домовите интензивно се разубавуваат со впечатливи украси.

Иако се мисли дека за уникатни новогодишни украси потребно е мало богатство, следуваат идеи како сами да направите магични новогодишни украси. Сè што ќе ви биде потребно е креативност и материјали кои се наоѓаат во вашиот дом и секако малку време за нивна подготовка.

1. Едноставни и прекрасни лампиони

Пластичните или стаклените проѕирни лампиони можат од едноставни украси да бидат разубавени со природни додатоци како: лаванда, стапчиња цимет, зимзелени гранчиња и се останато што се наоѓа во вашиот дом.

Начинот на нивната изработка е навистина едноставен, во зависност од додатокот кој го користите. Следуваат неколку примери како да ги подготвите овие интересни природни лампиони.

Додаток кој нема да ве чини воопшто се гранчиња зимзелено дрво, кои потребно е само да ги исечете и да ги поставите во проѕирните лампиони.

Идеи за новогодишно украсување на домот

Доколку пак во вашиот дом се наоѓаат стапчиња цимет, тогаш употребете ги за разубавување на вашиот дом. Со нивна употреба во својот дом ќе внесете сладок и ароматичен мирис кој ќе ве потсетува секојдневно дека Новата Година како и Божиќните празници се на самиот праг.

Идеи за новогодишно украсување на домот

Лавандата исто така можете да ја искористите како додаток за разубавување на домот. Со користење на лавандата ќе внесете боја како и свежина во својот дом кој со што ќе се почуствува новогодишната магија.

Идеи за новогодишно украсување на домот

За да добиете шаренолика слика во својот дом користете различни облици на овие проѕирни лампиони, и при нивното закачување обидете се да закачите различни форми на украси еден до друг со што целосната слика би изгледала магично.

Идеи за новогодишно украсување на домот

2. Новогодишна салфета

Погледнете го следното видео, каде за многу кусо време ќе го видите начинот на диплење на обична платнена салфета која се трансформира во новогодишна елка.

Идеи за новогодишно украсување на домот

Извор: www.cdn.wonderfuldiy.com

Потребни ви се квадратни зелени салфети, со големина 20Х20 или пак 16Х16. Потоа здиплете ја салфетата на половина, и повторно половината на половина. Секој агол од салфетата превртете го нагоре и потоа превртете ја салфетата од спротивната страна. Двата агли здиплете ги кон спротивната страна, формирајќи скалила.

Повторно превртете ја салфетата на спротивната страна, и сите агли од елката подигнете ги нагоре почнувајќи од врвот кон дното.

Едноставна но навистина впечатлива новогодишна декорација.

3. Свеќи со стапчиња цимет

Со помош на стапчиња цимет можете секоја најобична свеќа да ја трансформирате во уметничко дело кое ги мами погледите. Начинот на трансформација е многу едноставен, се што треба да направите е да наредите стапчиња цимет околу свеќата и да ги прицврстите со новогодишна лента.

Идеи за новогодишно украсување на домот

Извор: www.pinterest.com

Покрај прекрасната декорација, вие ќе можете да уживате и во прекрасниот мирис на цимет кој ќе се шири низ вашиот дом.

4. Лампиони од волна

Лампионите од волна изгледаат прекрасно, а нивната подготовка е лесна и брза. Се што ви е потребно за изработка на овие лампиони е:

  • Мал балон
  • Волна
  • Лепило
  • Вода
  • Светки.

Во мал сад ставете малку лепило и разредете го со вода. Надувајте го малиот балон и врзете го. Волната намотајте ја околу балонот и потоа балонот потопете го во садот со лепило и наросете светки. Вака подготвениот балон врзете го и оставете го да се исуши преку ноќ. Откако лампионот е потполно сув, издишете го балонот правејќи мало дупче. Извадете го балот од лампионот и веќе имате прекрасен новогодишен украс.

Идеи за новогодишно украсување на домот

Извор: www.pinterest.com

5. Поинаква новогодишна елка

Во многу домови недостасува место за новогодишната елка, така што постои алтернатива – новогодишна елка направена од шперт плоча.

Идеи за новогодишно украсување на домот

Изработката започнува со сечење на шперт плочата во облик на триаголник, а доколку во својот дом немате алат посетете ја најблиската столарска работилница каде за многу мал надомест ќе ја добиете посакувата форма на шперт плочата во форма на елка.

За да ја закачите елката, обележете место каде треба да се направи отвор за закачување (од врвот измерете 5 см) и направете отвор. Доколку сакате да го “оживеете” новогодишното дрво обојте го со боја по ваша желба, или пак доколку немате боја во својот дом природниот изглед на дрво нема да го наруши магичниот момент на главниот новогодишен украс.

Додадете метални нитни на предната страна на шперт плочата кои ќе ги држат украсите. Позицијата на овие нитни треба да биде на страниците на триаголникот, неколку милиментри повнатре од самата ивица.

Потоа додадете конец во боја по желба, започнувајќи од врвот и движејќи се кон дното, со што конецот ќе биде заврзан околу секоја нитна.

Како украси за оваа новогодишна елка можете да направите лампиони од жица кои ќе ги замотате околу тениско топче. Откако целата површина ќе биде покриена со жица, направете отвор и извадете го тениското топче.

Идеи за новогодишно украсување на домот

Од задната страна на шперт плочата додате сијалички кои ќе ги прицврстите со изолир лента. Додадете украси по ваша желба, како и картички со желби до Дедо Мраз.

6. Ароматизирани свеќи во портокал

Интересна и невообичаена новогодишна декорација која ќе го исполни вашиот дом со прекрасна арома на портокал и каранфилче.

За подготовка на овој новогодишен украс потребни ви се портокали, во број по ваша желба односно колку свеќи сакате да подготвите, остар нож, каранфилчиња и свеќички.

Идеи за новогодишно украсување на домот

Извор:www.pinterest.com

Започнете со внимателно сечење на портокалот на половина, и отстранување на портокалот од кората. Како совет за полесно одвојување на кората од портокалот, е да го пресечете портокалот на половина како полесно би ги одвоиле плодот и лушпата. Овој чекор треба да го направите внимателно, бидејќи кората од портокалот ви претставува подлога за свеќникот.

Горниот дел од кората на портокалот ќе претставува капаче на свеќникот, така што со модла или со остар нож направете отвор во средината во облик на ѕвезда.

Околу ѕвездестиот отвор набоцкајте каранфилчиња, кои ќе овозможат прекрасен мирис со самото горење на свеќата.

На половината од портокалот која претставува дно на свеќникот, поставете ја свеќата запалете ја и поставете го капакот.

Уживајте во прекрасниот мирис како и атмосфера кои ги овозможуваат овие уникатни свеќници.

7. “Замрзнато овошје

Дајте им замрзнат изглед на неколку овошни плодови кои ќе ги користите како централна декорација на новогодишната трпеза.

Во мала чинија изматете белка од јајце, но не матете предолго. Со помош на четка премачкајте го овошјето со белката, а потоа наросете шеќер или во шеќер во прав. Доколку е потребно за да добиете повеќе “замрзнат” изглед на овошјето, нанесете неколку слоеви шеќер за да добиете „снежен“ изглед.

Идеи за новогодишно украсување на домот

Извор: www.goodfoodrecipes.net

8. Блескави тестенини

Тестенините во форма на панделки можат да ви послужат за да направите блескаво „синџирче“ на едноставен начин.

Секоја панделка премачкајте ја со лепило и наросете ја со светки. Оставете да се исуши лепилото, а потоа врзете ги панделките на еднакво растојание на долг дебел конец или украсна лента.

Пред да ги обложите со светки, можете да ги обоите тестенините со прехранбена боја или со спреј во боја по избор.

Идеи за новогодишно украсување на домот

Извор: www.goodfoodrecipes.net

Се надеваме ќе се одлучите оваа година да направите некои од понудените новогодишни украси со кои ќе го разубавите домот, а воедно ќе бидете и воодушевени од нивната уникатност како и едноставноста на нивната подготовка.

Од Рептил Маркети