Чинија полна вкусови со мал број на калории

  04/30/2018 at 12:01 pm

Консумација на здрава, нискокалорична храна не мора да значи дека треба да се откажете од добриот вкус или пак од продуктите во кои најмногу уживате. Секојдневна консумација на риба и зеленчук готвени на пареа секако е здраво и препорачливо, но колку е голема веројатноста дека со ваков тип на лесен оброк би биле сити доколку сте навистина гладни?

Чинија полна вкусови со мал број на калории

Оброците кои ги подготвувате за вас и вашето семејство треба да обезбедат ситост, како и доволно енергија и секако да изобилуваат со вкусови во кои сите навистина би уживале.

Следуваат 10 совети, кои доколку ги следите нема да се чувствувате гладни.

1. Пијте многу вода. Секој ден понесете со себе 1,5 литар вода на работа и обидете се да ја испиете до крајот на работното време.

2. Секој ден обидете се да консумирате 5 порции овошје и зеленчук.

3. Никогаш не го прескокнувајте појадокот. Кај оние кои го избегнуваат појадокот често се случува околу пладне наеднаш да огладнат и да посегнат по разни грицки и слатки за да го заситат гладот. Изговорот “наутро немам време да појадувам” повеќе не е валиден, бидејќи квалитетен појадок можете да подготвите и изедете за 5 минути – едноставно подгответе мусли или пак овесна каша, изедете едно печиво или пак направете милк шејк од свежо овошје. Сите овие навистина брзи предлози за појадок ќе ви овозможат околу пладне да не се чувствувате очајно гладни.

4. Планирајте ги оброците однапред. Направите листа за пазарење и држете се до листата без притоа да додавате грицки или пак слатки.

5. Секогаш покрај себе имајте здрави грицки кои ќе ви бидат алтернатива кога треба да каснете нешто набрзина. Здрави грицки можат да бидат сушено овошје, житарки, овошен јогурт со мала масленост или пак апетисани во ограничена количина (една рака).

6. Кога подготвувате месо секогаш отстранете ја масната облога која можете да ја видите, додека ако подготвувате пилешко отстранете ја кожата. Обидете се да ги избегнувате колбасите кои се полни со маснотии кои не можете ниту да ги видите.

7. Намалете ги стимулансите како кофеин, алкохол и рафинирани шеќери.

8. Ограничете се еднаш неделно да консумирате храна надвор од вашиот дом. Најдобро би било ручекот да си го понесете од дома наместо секојдневно да консумирате купена храна полна со маснотии и недостиг на витамини и минерали.

9Не брзајте со слабеењето. Не отфрлајте одеднаш цела група на продукти со цел да ослабете побрзо, бидејќи на вашето тело му е потребна балансирана исхрана. Не лажете се сами себе дека можете да издржите без храната која секојдневно сте ја консумирале, бидејќи ќе завршите со неконтролирана консумација на секаков тип на храна.

10. Јадете го она што ви е вкусно без притоа да се присилувате себе да јадете храна која е здрава за вашето здравје, а нема никаков вкус.

Чинија полна вкусови со мал број на калории

Посебните диети со храна која најчесто не е вкусна е наменета за мал број на луѓе, луѓе кои можат да ја издржат. Всушност кој може да одолее на примамлива, сочна чоколадна торта?

Препораката е да бидете самокритични и да си признаете себе дали можете или пак не да издржите режим на исхрана. Доколку одговорот е негативен, не очајувајте бидејќи постојат голем број на намирници кои содржат мал број на калории но се многу вкусни.

Следуваат рецепти кои содржат мал број на калории но имаат висока нутритивна вредност.

1. Пилешка супа со тестенини

Чинија полна вкусови со мал број на калории

За подготовка на оваа хранлива, вкусна супа ќе ви биде потребно помалку од половина час, а за нејзиното готвење од еден до два часа.

Состојките кои ќе ви бидат потребни се:

Начинот на подготовка е следен:

Најпрво отстранете ја кожата од копаните и маснотијата која се наоѓа на површината на месото. Ставете го месото заедно со доматите, морковот, целерот, кромидот, лукот и ловоровиот лист во сад за готвење. Додадете 1750 мл вода и оставете да зоврие. Потоа намалете го огнот и оставете ја супата да се вари на тивок оган еден час.

Откако супата е сварена извадете го пилешкото месо а течноста процедите ја во друг сад. Со помош на две виљушки одвојте го пилешкото месо од коските и додадете го во супата. Зачинете со сол и бибер и повторно ставете ја супата на оган да зоврие. Откако супата ќе зоврие исклучете го огнот и оставете го садот на страна малку да се излади.

Во солена вода во сад на оган сварете ја тестенината, исцедете ја и додадете ја во супата и послужете наросувајќи пармезан пред самото сервирање.

2. Њоки со босилек и сос од домати

Чинија полна вкусови со мал број на калории

Домашно подготвените њоки се навистина многу вкусни, а воедно тие се и многу едноставни за подготовка. Доколку немате време да подготвите домашни њоки можете да користите и њоки купени од супермаркет.

За да подготвите њоки за 4 лица потребни ви се следните состојки:

  • 400 грама домати од конзерва исечкани на коцки
  • 1 главица кромид, ситно исечкана
  • 2 чешниња лук, ситно исечкани
  • рузмарин, мајчина душичка, ловоров лист (зачин по ваша желба)
  • малку чили во прав

За подготовка на њоките потребно ви е:

  • 500 грама млад компир, излупен и исечкан на коцки
  • 15 грама свеж босилек, ситно исечкан
  • 200 грама брашно
  • сол и бибер

Подготовката започнува со сосот од домати. Доматите ставете ги во сад на оган и додадете 150 мл вода. Додадете ги кромидот, лукот, рузмаринот, чилито (доколку користите) сол и бибер. Оставете ја течноста да зоврие и намалете го оганот. Оставете го сосот на тивок оган да се вари околу еден час.   

Во меѓувреме започнете ја подготовката на њоките. Компирите варете ги 10 до 15 минути, а потоа од нив направете пире кое треба да нема грутки. Додадете босилек во пирето, посолете и наросете бибер. На крај додадете го брашното и со дрвена лажица или со раце измешајте го тестото за да добиете компактна смеса.

Откако смесата е изедначена, тестото развлечете го во кружна долгнавеста форма со дијаметар од 1 сантиметар. Исечете го тестото на парчиња со должина од 2,5 см.

Њоките гответе ги во сад на среден оган една до две минути да се варат, односно се додека не испливаат на површината на водата. Откако њоките се испливани на површината со помош на лажица ставете ги во сосот. Измешајте го сосот заедно со њоките и послужете.

Како најтежок дел од диетата се слатките. Но не очајувајте следуваат рецепти за ниско калорични слатки, поточно слатки кои содржат помалку од 150 калории.

3. Колачиња со јаболко, карамел и овесни снегулки

Со јаболко и карамел во секое залче, овие колачиња едноставно ги освојуваат сите. Состојките кои ќе ви бидат потребни за подготовка се:

  • 190 грама брашно
  • 130 грама овесни снегулки
  • 1 лажичка прашок за печиво
  • половина лажичка сода бикарбона
  • половина лажичка сол
  • 150 грама шеќер
  • 6 лажици омекнат путер
  • 2 лажици екстракт од ванила
  • 1 јајце
  • 150 грама сечкани суви јаболка
  • 150 грама сечкани карамели

Чинија полна вкусови со мал број на калории

Загрејте ја рерната на 180 целзиусови степени. Во длабок сад убаво измешајте ги брашното, овесните снегулки, прашокот за печиво, сода бикарбоната и солта. Во посебен сад изматете го путерот со шеќерот се додека не стане пенест. Додадете го екстрактот од ванила и јајцето и продолжете со матењето. Постепено додадете ја смесата со брашно, и не прекинувајте со матењето. Кога ќе добиете изедначена смеса додадете ги карамелите и јаболките.

Од добиената смеса формирајте топчиња и ставете ги во сад за печење обложен со хартија за печење. Печете ги колачите околу 9 минути.

4. Чоколадни бисквити со бадеми

Интегралното брашно, лененото семе и бадемите ги прават овие вкусни бисквити да изобилуваат со антиоксиданси. Секое колаче содржи помалку од 100 калории и претставува совршен прилог кон утринското или пак попладневното кафе.

Состојките кои ви се потребни за подготовка се:

Загрејте ја рерната на 180 целзиусови степени. Измешајте го брашното, лененото семе, сода бикарбоната и солта во длабок сад. Во сад за матење изматете ги белките со шеќерот (кафеав и бел) и додадете го јајцето. Матете околу 2 минути и додадете го екстрактот од ванила. Во садот за матење постепено додавајте ја смесата со брашно и матете се додека не се соедини. На крајот додадете го чоколадото и бадемите кои се исечкани на мали парчиња. Поделете ја смесата на 3 еднакви делови. Секој дел со помош на сукало обликувајте во правоаголна форма со должина на 15 см и ставете го тестото во сад за печење обложен со хартија за печење. Истото повторете го и со останатите 2 теста и ставете ги во садот за печење оставајќи 1 см простор помеѓу тестата. Печете 28 минути.

Извадете ги бисквитите од рерната и оставете да се изладат 10 - тина минути, a потоа исечете го тестото дијагонално на парчиња и печете уште 7 минути.   

5. Чоколадни коцки

Овие чоколадни коцки содржат помалку од 150 калории, а со нивниот вкус тие ги будат сите ваши сетила. Состојките кои ви се потребни за нивна подготовка се:

  • 150 грама брашно
  • 60 грама какао
  • прстофат сол
  • 75 грама путер
  • 150 грама чоколадо за готвење
  • 230 грама шеќер
  • 60 мл млеко
  • 1 лажичка екстракт од ванила
  • 2 жолчки
  • 1 јајце

Чинија полна вкусови со мал број на калории

Загрејте ја рерната на 180 целзиусови степени. Во сад измешајте го брашното, какаото и солта. Растопете го путерот и чоколадото за готвење и оставете смесата малку да се излади. Додадете го шеќерот, млекото, екстрактот од ванила, жолчките и јајцето и матете се додека смесата не се изедначи. Откако смесата е изедначена додадете ја мешавината со брашно и матете додека не добиете еднолична смеса. Садот за печење потребно е да е 20 Х 20 см. Обложете го со хартија за печење и сипете ја смесата. Печете 20 минути. На здравје!

Пробајте ги нашите предлог рецепти за оброк кој изобилува со енергија и секако вкус, а притоа содржи мал број на калории. Уживајте во подготовката на вкусна храна која нема да влијае на зголемување на вашите килограми, а воедно не сте ограничени на консумација на еднолична храна.

Од