Блог

5 протеински оброци одлични за деца и возрасни

5 протеински оброци одлични за деца и возрасни

Храната е доста важна за обновување на ткивата. Исто така, ви ја дава потребната енергија за извршување на многубројните функции на организмот. Имено, протеините и протеинските оброци се потребни на децата за здрава и урамнотежена исхрана.

Протеините содржат аминокиселини кои претставуваат основни елементи на човечкото тело. Тие се дел од процесот на раст на клетките и нивната диференцијација, како и во изградбата и правилната функција на органите.

Колкава количина протеини е доволна и каде ги има?

Протеините се потребни за раст и развој на децата. Доколку децата не се хранат доволно со протеински оброци може да стагнираат во растот или да се стекнат со намален имунитет.

протеински оброци

Протеинската количината што е потребна во исхраната е следнава:

  • 1-3 години – 13 грама
  • 4-8 години – 19 грама
  • 9-13 години – 34 грама
  • 14-18 години – женски 46 грама; машки 52 грама
  • Од 18 години нагоре – женски 46-75 грама; машки 56-91 грам

Намирниците што содржат поголемо количество протеини се: млеко и млечни производи, јајца, месо, риба, јаткасти плодови, грашок, леќа, путер од кикирики, житни растенија, итн.

1. Омлет од тиквичка и моцарела

Омлетот стана доста популарен изминативе неколку години. Во рестораните, омлетот може да го најдете во менито за доручек. Овој летен, брз и вкусен омлет, е еден од детските протеински оброци што вреди да се проба.

Потребните состојки се следниве:

омлет

Начин на подготовка:

Измиената тиквичка излупете и изрендајте ја на крупната страна на рендето. Посолете и оставете ја во цедалка. Нека одстои 15 минути, а за тоа време подгответе ги останатите состојки. Во сад  соединете го јајцето, биберот, растопениот путер, заедно со зачините и ја додајте ја исцедената тиквичка.

Целата смеса убаво соединете ја. Згрејте тава на умерен оган. Кога тавата е веќе згреена, додајте ја смесата од садот и малку израмнете ја.Пржетенеколку минути од едната страна, додека краевите не добијаат кафеава боја.

Внимателно превртете го омлетот да се пржи и од другата страна неколку минути. На едната половина наредете ленти моцарела, а по желба можете да ставите и мали ливчиња свеж босилек. Кога веќе е испржен омлетот, само го преклопувате и сервирате. Нежно посипете чурек.

2. Тиквички со пилешко

Тиквичките со пилешко се секогаш добра идеја за ручек. Оваа порција не само што е вкусна туку и содржи доста протеини. Тиквичките со пилешко се протеински оброци кои се одлични за деца и за возрасни.

Потребните состојки се следниве:

Начин на подготовка:

Во тава со загреано маслиново масло пропржете ги исецканите пиперки. Додајте го ситно исецканиот стек и пржете на тивко. После тоа, додајте ги излупените и исецкани домати, сол, зачин, бибер и малку брашно. Промешајте на тивко, па додајте ја половината од павлаката и за кратко време тргнете го од оган.

Тиквиците, претходно излупете ги и издлабете ги, може да бидат пресечени по ваша желба. Потоа, наредете ги во тава за печење, наполнете ги со подготвената смеса и прелијте ги со останатата павлака. Ставете да се печат во загреана рерна околу 30 минути.

3. Пилешка супа

Супите можеби не се омилени протеински оброци меѓу децата, но доколку ги вклучите во готвењето, ќе сакаат да пробаат од тоа што го направиле. Оваа супа е доста нутритивна и лесна за правење.

протеински оброци пилешка супа

Потребните состојки се следниве:

Начин на подготовка:

Копаните оставете ги да се варат во солена вода. Кога добро ќе се сварат извадете ги и исчистете ги од коските и кожата, а месото ситно исецкајте го. Во водата каде ги сваривте копаните ставете ги морковите претходно изрендани, а компирот и пашканатот исецкани на ситни коцки.

Ставете да се вари и додајте го исецканото месо. Кога ќе почне да врие, додајте ги коцките за супа и варете додека да омекне зеленчукот. Пред крај на варењети додајте малку фиде, ситно исецкан магдонос, сол и бибер по вкус. Супата послужете ја додека е топла.

4. Туна сендвич

Можеби супите не се популарни кај децата но сендвичите се дефинитивно едни од омилените кај децата. За да вклучите протеински оброци, трудете се да ги правите со состојките кои тие ги сакаат. Овој сендвич е вкусен и лесен за подготовка.

туна сендвич

Потребните состојки се следниве:

Начин на подготовка:

Исечете го лебчето на половина. Од едната страна намачкајте со сенф а од другата ставете го пестото. На пестото одозгора наредете ја исецканата зелена пиперка и ставете сенф дижон. Врз сенфот ставете ја туната, а врз неа ставете ги исецнаките домати на парчиња. На крај, ставете два листа марула одозгора.

5. Паста со зеленчук и туна

Кога правите паста, најдобро е да вклучите повеќе видови намирници за да ги направите оброците протеински. Децата не ја одбиваат пастата како оброк, а можете да ја сервирате еднаш неделно.

паста

Потребните состојки се следниве:

Начин на подготовка:

Тестенините се варат според упатството на кесичката. Во маслиново масло, пропржете ги капарите и маслинките околу 2 минути. Додајте ги пелатите и босилекот и повторно оставете ги да се готват околу 2 минути. На крај, додајте ја туната со маслото и убаво промешајте.

Заклучок

Храната за деца и возрасни мора да биде разновидна и балансирана. Внесувањето на протеински оброци е важно за вашиот организам, но доколку е во умерена доза. За повеќе информации може да се консултирате со нутриционист.