Во летните денови потребен ви е пијалок чиј вкус инстантно ќе ве освежи и во мислите ќе ве пренесе на некоја тропска дестинација со поглед на море. Звучи примамливо, нели? Уживајте во жешките денови со овие идеи за лесни и освежителни коктели кои се идеални за секоја забава или друга летна прогода, а истовремено се здрави и не содржат алкохол.
1. Безалкохолна летна Сангриа
Сангриата е традиционален шпански пијалак, искомбиниран од сезонско летно овошје. Одличен е за секоја пригода зошто има освежителен и неодолив вкус. Со овошна декорација, за 20 минути ќе добиете здрави коктели како од ресторан!
Потребните состојки се следниве:
- 2 праски
- 100 грама боровница
- 10 ливчиња нане
- 300 мл. сок од грозје, природен, без шеќер
- Газирана вода
- 2 лажици јаболков сајдер
- 5-6 кругови лимета (за декорација)
- Мед или природен засладувач (по желба)
Начин на подготовка:
Во сад ставете ¾ боровница и нане и иситнете ги со дрвена лажица додека боровниците не се распаднат. Префрлете ја смесата во бокал и додајте ги праските. Потоа, додадете сок од грозје, газирана вода и јаболков сајдер, и добро промешајте.
Ставете ја смесата во ладилник околу 2 часа за се соединат вкусовите. Пред да го послужите коктелот, додадете ги круговите лимета и ливчињата нане.
Совет
Во коктелите може да додадете и неколку замрзнати боровници или исечкани праски, или пак да ги ставите во сад за мраз и од нив да направите овошни коцки мраз.
2. Хорчата – Мексикански коктел од ориз
Хорчата е традиционален и крајно популарен мексикански пијалак, чии оригинални состојки покрај оризот се текила и „аква фреска“, но овој пат се одлучивме за поздрава верзија. Состојките го прават коктелот необичен, a вие може да додадете некои по ваш вкус.
Потребните состојки се следниве:
- 185 грама ориз
- 1 лажица цимет
- 1 литар вода (може да ја замените со кокосово млеко)
- Кора од лимета
- 100 грама кафеав шеќер или природен засладувач
- 1 лажица екстракт од ванила (по желба)
Начин на подготовка:
Сварете го оризот и ставете го во блендер и оставете го да се меша додека не се претвори во течност. Додајте цимет, ванила (по желба) и кора од лимета. Добро промешајте, затворете ја смесата херметички во сад и оставете ја на собна температура во текот на ноќта.
Наредниот ден, извадете ја од садот, додајте вода и одново измешајте ја смесата. Ставете ја во ладилник од 2 до 3 часа додека состојките не се соединат.
Следно, во бокал додајте вода или кокосово млеко (или пола-пола) и шеќер, односно природен засладувач. Сето тоа добро измешајте го со смесата подготвена претходниот ден и ставете го бокалот во ладилник. Пред да го послужите коктелот, ставете лед во чашите и украсете ги по желба.
Совет
Доколку сакате, додајте инстант кафе, какао во прав или јаткасти плодови и измешајте.
3. Индиски чај со праска
Можеби ви е добро позната нутритивната вредност на чаевите, но дали сте запознаени со разновидноста на нивните вкусови? За ова лето, пробајте го новооткриениот индиски чај со праска, кој не само што е здрав, туку е и совршена комбинација од неодоливи вкусови.
Потребните состојки се следниве:
Начин на подготовка:
Ставете половина литар сок од праска во сад за коцки лед и оставете го 5 часа во замрзнувач.
Во меѓувреме, Згрејте ја водата, додајте го чајот, и оставете го да вари според упатството на амбалажата. Оставете го чајот да стои затворен околу 2 минути, и додатни 30 минути за да се излади. Засладете го чајот со мед или по желба и додајте сок од лимон.
Праските убаво измијте ги, отстранете им ги семките и исечкајте ги, па распоредете ги во чашите пред да ги сервирате пијалаците. По желба, може да ги притиснете малку праските за да ослободат дополнителен вкус.
На крај, во чашите ставете од чајот, додајте од замрзнатите коцки сок, надополнете ги чашите со тоник до врвот и украсете со лимон и 2 до 3 ливчиња нане.
Совет
Доколку немате индиски чај, може да ви послужи друг тип на црн чај или чај во кесички по ваша желба.
4. Коктел од Црница (Дудинка)
Овошје и нане се главни состојки во повеќето освежителни и здрави коктели, а коцките мраз го прават овој пијалак идеален во лето. Оваа комбинација од вкусови, може да ја сервирате со апетисани или ужина. Уживајте!
Потребните состојки се следниве:
- 200 мл. вода
- 200 мл. шеќер или мед
- Црници
- Ливчиња нане
- 200 мл. лимета
- 2 литри газирана вода
- Мраз
- Кругови лимета (по желба)
Начин на подготовка:
На тивко згрејте шеќер и вода со повремено мешање. Кога водата ќе зоврие, намалете ја јачината и оставете го садот за шеќерот целосно да се стопи. Откако шеќерот ќе се стопи, сирупот оставете го на собна температура за да се олади.
Потоа, одвојте неколку црници и ставете ги во замрзнувач. Додека се замрзнуваат во бокал ставете ливчиња нане и повеќе црници и иситнете ги со дрвена лажица или дрвен чекан за месо.
Во бокалот Додајте газирана вода, претходно подготвениот сируп и свеж сок од лимета, па добро измешајте. Пред послужување, разладете го пијалакот и додјате коцки мраз, замрзнатите црници, круговите лимета и уште неколку ливчиња нане за декорација.
5. Мохито
И секако, летото не може да пројде без најпознатиот и најосвежувачки летен пијалак – мохитото! Но, оваа верзија на мохито е малку поинаква, ќе го засакате со првата голтка, а нема ни да приметите дека недостасува алкохол.
Потребните состојки се следниве:
- Нане
- 2 мл. сок од лимета
- Парчиња (кругови) лимета
- 2 лажици мед или кафеав шеќер (по избор)
- 1 литар минерална газирана вода
- Мраз
Начин на подготовка:
Во сад ставете нане и додајте сок од лимета. Издробете и иситнете го нането со дрвена лажица се додека не ослободи вкус и не се соедини со лиметата.
Додјате кафеав шеќер или мед и сето тоа добро измешајте го. Потоа, додајте газирана вода, кругови лимета (по избор) и остатокот од нането. За крај, пред да ги послужите пијалаците, оставете ги добро да се изладат и додајте издробен мраз во садот или посебно во чашите.
Заклучок
Доколку би ги именувале годишните времиња според пијалак, тогаш летото дефинитивно би било коктел. Во лето, имаме безброј можности и сакаме да пробаме нешто ново. За кој коктел и да се одлучите, нема да погрешите, потребни ви се само состојките!
