Блог

8 новогодишни и божиќни рецепти за совршена празнична трпеза

8 новогодишни и божиќни рецепти за совршена празнична трпеза

Новогодишните и божиќните рецепти се едни од нашите омилени затоа што тогаш се готви највкусното мени. Од додатоци, главно јадење, па се до десертите, празничната трпеза е вистинско уживање.

Оваа година ви подготвивме божиќни рецепти кои ќе им се допаднат на сите членови во семејството. Секогаш можете да изберете од останатите прилози со вкусни новогодишни и божиќни рецепти.

новогодишни и божиќни рецепти за совршена празнична трпеза

1. Посна Пица

Пицата е едно од омилените јадења на секоја генерација, но знаеме дека најмногу им се допаѓа на најмалите членови. За промена, иако нетрадиционални, пиците може да бидат одлично вкусни божиќни рецепти.

Потребни состојки:

Начин на подготовка:

Празот исецкајте го ситно и ставете го да се пржи на тивко. Кога ќе се испржи, тргнете го на страна, додајте го ајварот, малку сол и добро промешајте. Тиквичката излупете ја и исечете ја на кругови. Во плех обложен со хартија, наредете ги тиквичките и ставете ги малку да се потпечат во загреана рерна додека да омекнат.

Тестата за пица, премачкајте ги со кечап, врз нив ставете ја смесата од праз и ајвар и добро распоредете ја. Одозгора, наредете ги веќе потпечените тиквички, а врз нив сецканите маслинки. На краевите на тестото наросете сусам и ставете да се пече во загреана рерна.

2. Скуша со зеленчук

Готвачите велат дека не постои зеленчук што се издвојува како најсоодветен за да се зготви со риба. Што значи, може да додадете и некој по ваш избор, и да уживате во оброкот.

Потребни состојки

Начин на подготовка:

Скушата се чисти и се мие со ладна вода. Во внатрешноста се става сецкан лук, магдонос, се ставаат зачините и се прелева со маслиново масло. Одозгора се цеди сок од 1 лимон. И се остава да одстои неколку часа.

скуша

Рибата се реди во плех, се покрива со фолија и се пече во загреана рерна. На крај на печењето се вади фолијата за да добие убава боја. Златната мешавина сварете ја во солена вода, исцедете ја и послужете ја како прилог заедно со скушата.

3. Ќофтиња со шунка и кашкавал

Овој оброк е доста едноставен и лесен за подготовка, а вкусен за да може да ужива цело семејство. Сервирајте со бело вино, и можеби ќе ви стане еден од омилените божиќни рецепти.

Потребни состојки:

  • 1,5 кг компири
  • 250 грама шунка
  • 250 грама кашкавал Ајдамер
  • 1 главица кромид
  • Сол, бибер
  • Масло
  • Магдонос
  • 3 јајца

Начин на подготовка:

Компирите, шунката и кашкавалот се рендаат во длабок сад. Се додава изренданиот кромид, ситно исецкан магдонос, сол и бибер. Се додаваат јајцата и добро се меша. Ако е многу течна смесата може да додадете малку презла. Со лажица се формираат ќофтињата и се пржат во врело масло, додека не добијат убава румена боја.

4. Топено сирење од рерна

Не мора секогаш да посетите ресторан за да го вкусите вашето омилено јадење. Понекогаш се потребни само неколку состојки и ќе добиете топено сирење на поинаков начин и може да додадете зачини по ваш вкус.

топено сирење

Потребни состојки:

Начин на подготовка:

Се зема ќерамички сад со средна големина и се премачкува со масло. Се става најдолу фетата и со вилушка се распределува на целото дно од садот. Одозгора се става 2-3 лажици од бешамелот, па се редат шампињоните. Врз нив се става кечап и оригано.

Печеницата исецкајте ја на покрупни парчиња, ставете ја одозгора, изрендајте го кашкавалот и повторно ставете бешамел. Потоа ставете го претходно издробеното кравјо сирење и завршете со рендан кашкавал. Печете додека убаво не се стопи кашкавалот. Се служи додека е топло.

5. Соленки со кашкавал

Вкусни соленки кои можете да ги сервирате на вечерата. Така, ќе ја збогатите вашата трпеза со уште еден од многуте вкусни божиќни рецепти.

Потребни состојки:

Начин на подготовка:

Во длабок сад ставете го брашното, претходно изренданиот кашкавал. Јајцата, водата, маслото, солта, пецивото и добро промешајте. Замесете тесто од сите состојки. Расукајте кора со дебелина по ваша желба.

Кората премачкајте ја со изматено јајце и одозгора наросете сусам. Сечете форми по ваша желба и наредете ги во плех обложен со хартија. Потоа ставете да се пече во загреана рерна околу 20 минути, додека добијат убава боја.

6. Посни бомбици

Менито на рептил нуди разни рецепти од кои се издвојуваат традиционални и модерни десерти. Овие посни бомбици се направени со јаткасти плодови и се едни од највкусните божиќни рецепти.

Потребни состојки:

  • 200 грама ореви
  • 200 грама суви смокви
  • 200 грама суво грозје
  • 200 грама локум
  • 2 портокали
  • 200 грама мелени ореви за валкање

Начин на подготовка:

Во длабок сад ставете го исецканиот локум. Додајте ги крупно исецканите ореви, исецканото суво грозје и претходно измелените смокви. Изрендајте ја кората од портокал, а со исцедениот сок од нив, замесете ја смесата. Од смесата формирајте бомбици и валкајте ги во мелени ореви.

7. Телешка салата

Телешката салата е уште еден вкусен додаток на божиќната трпеза. Всушност, е еден од многуте додатоци кои можете да ги одберете од новогодишниот прилог и прилогот со божиќни рецепти.

Потребни состојки:

  • 1 килограм телешко месо
  • 2 главици кромид
  • 6 барени јајца
  • 1 тегла кисели краставички
  • 1 тегла сечкани шампињони
  • 1 тегла мајонез
  • Сол и црн бибер

новогодишни и божиќни рецепти

Начин на подготовка:

Месото ставете го да се вари во солена вода. Кога ќе се свари, извадете го од водата, исецкајте го ситно и ставете го во длабок сад. Во садот со месо додајте ги сецканите печурки, ситно исецканите краставички, кромид и јајца. Промешајте ги состојките и додајте го мајонезот. Ставете малку сол и бибер и декорирајте ја салатата по желба.

8. Ролат со Нутела

За крај, едно мени со божиќни рецепти не би било комплетно без чоколаден десерт. Неодоливиот вкус на нутелата е совршен избор после главното јадење. Уживајте!

Потребни состојки:

Начин на подготовка:

Маргаринот се мати со миксер, заедно со шеќерот во прав. Се додаваат мелените бисквити и една шолја инстант кафе (200 мл вода, 1,5 лажици кафе) и се меси. Смесата се става на фолија и се нанесува во правоаголна форма. Се премачкува со нутела и се витка во ролат. Се остава во фрижидер да добие цврстина, а потоа се сече.

Заклучок

Новата година и Божиќ се двата периоди кои носат богати трпези и готвењете за најмилите. И оваа година уживајте во разните вкусови на вашите домашни божиќни рецепти.