Блог

Како да направите брза детоксикација на организмот по празниците

брза детоксикација на организмот по празниците

Правилната и урамнотежена детоксикација го  ослободува вашиот организам од штетните бактерии и токсини. Со тоа всушност, го регенерирате организмот, ја подобрувате неговата работа, го зајакнувате и му ја враќате потребната рамнотежа.

Кога е потребна детоксикација?

Кога јадете тешка и мрсна храна, во вашиот организам се насобираат токсини поради преработеноста на храната. Тоа може да предизвика подуеност, замор, намален имунитет, и се јавува желба за конзумирање храна што содржи шеќери.

Кога се јаде нездрава храна лесно може да се здобиете со килограми, а потешко да ги намалите. Но, кој може да одолее на топлите празнични и новогодишни оброци? За среќа, постои начин за да направите детоксикација на организмот, да ја вратите урамнотежената исхрана и да не чувствувате вина после празниците.

Како да направите детоксикација на организмот?

За почеток, применувајте храна која ќе вклучува навремени и здрави оброци. После обилната божиќна трпеза, многумина ја сметаат детоксикацијата за изгладнување но всушност, потребно е само да се посветите на балансирана исхрана.

брза детоксикација на организмот

Функцијата на детоксикација на организмот е да ви помогне да се ослободите од токсините, од постојаниот замор и подуеноста и сето тоа да го замените со витаминизирана и органска храна. За да го постигнете резултатот, доволно е да се придржувате до правилата и за неколку дена ќе се чувствувате подобро и со подобрен метаболизам.

Вода

Водата е неопходен извор на здравје токму затоа што ја има главната улога во повеќе физиолошки процеси. Водата го подобрува метаболизмот со што може побрзо да ги елиминирате токсините во телото. Според тоа, препорачливо е да пиете 2 литри минерална вода на ден, или една чаша топла вода со лимон или вода со ѓумбир наутро и навечер.

брза детоксикација на организмот вода

Чај

Според дамнешните истражувања на лекарите и некои од денешните, чаевите се исто ефикасни како и водата. Тоа е така затоа што се на природна база и содржат антиоксиданси. Со тоа, телото се бори против токсините и ги елиминира. За детоксикација на организмот, нутриционистите ги препорачуваат белите чаеви, зелениот чај, чај од хибискус или увин чај.

Овошје

Иако овошјето е познато по содржината на шеќери, тоа се всушност добри шеќери кои не се штетни за организмот. За комплетна детоксикација на организмот добро е секојдневно да конзумирате органско овошје. Витамините и минералите како магнезиумот во овошјето ве одржуваат здрави, витални и хидрирани. Одберете било кое сезонско овошје и вклучете го во вашата програма.

овошје брза детоксикација на организмот по празниците

Зеленчук

Сигурно сте запознаени со многуте предности и придобивки од зеленчукот. Зеленчукот го чисти црниот дроб од секакви отрови, го подобрува оптималното здравје, го намалува нивото на шеќер во крвта и холестеролот. Изберете било кој сезонски зеленчук како лук, цвекло, морков и вклучете ги во балансирана исхрана.

Зеленчук брза детоксикација на организмот по празниците

Зелениот зеленчук како спанаќ, брокула, кељ и слично, се дел од зелената програма за детоксикација на организмот. Зеленчукот ни е потребен за јакнење на имунитетот и содржи малку калории. Без разлика дали ќе биде свеж во салата или приготвен на пареа, јадете го зеленчукот што е можно повеќе.

Пробиотици

Еден вид на супер храна се пробиотиците кои може да ги најдете во млечните производи како јогурт, кефир и некои видови на зеленчук кои го подобруваат дигестивниот систем. Кога ги губиме добрите бактерии од организмот како антибиотиците, работата на пробиотиците е да ги задржи тие бактерии во организмот со што ја балансира работата на дигестивниот систем.

Апетисани

Јаткастите плодови се намирници кои се богати со антиоксиданси, витамини, како и минерали кои ја подобруваат целокупната функција на организмот. Тие воедно придонесуваат за намалување на калориите и ја подобруваат работата на срцето. Имено, апетисаните се супернамирници за детоксикација на организмот и за подолг и поздрав живот.

Интегрални житарици и мешунки

Исто како и овошјето, интегралните житарици и мешунките претставуваат голем извор на антиоксиданси, витамини и минерали, Покрај тоа, тие содржат и протеини и диетални влакна. За детоксикација на организмот, можете да подготвите кафеав ориз, леб од интегрално брашно, кускус, леќа, интегрални тестенини, грашок и слично.

Смути

Смутито е здрав микс од овошје и зеленчук, а тие го хранат организмот со витамини и минерали. Можете да изберете неколку од рецептите на Рептил кои ќе ви послужат како идеја за вкусно зелено смути. Така ќе го започнете денот полни со енергија.

Смути брза детоксикација на организмот по празниците

Што треба да избегнувате за време на детоксикација на организмот?

За детоксикацијата да биде успешна, потребно е да ги избегнувате производите кои штетат на вашиот организам како кафе, алкохол и газирани пијалаци. Доколку сте пушач, препорачливо е цигарите да ги сведете на минимум.

Од храна, избегнувајте бел шеќер и преработена, брза и мрсна храна. Кога готвите за време на детоксикацијата, препорачливо е да ја готвите храната на пареа, а да избегнувате пржење зошто храната ги задржува своите хранливи материи кога е варена или свежа, а ги губи кога се пржи или се кога се печи. Избегнувајте диети и голема временска оддалеченост меѓу оброци.

Заклучок

Откако ќе ги исфрлите токсините, се здобивате со енергија и виталност и поголеми се шансите да ја зголемите вашата концентрација и работата на срцето. Во зависност од времетраењето, со ваквиот начин на детоксикација можно е да изгубите и неколку килограми. За секакви прашања во врска со исхраната, може да се консултирате со нутриционист или лекар.